||Sundarakanda ||
|| Sarga 60||( Slokas in English )
हरिः ओम्
Sloka Text in Telugu , Kannada, Gujarati, Devanagari, English
sundarakāṁḍa.
atha ṣaṣṭitamassargaḥ||
tasya tadvacanaṁ śrutvā vālisūnurabhāṣata|
ayuktaṁ tu vinā dēvīṁ dr̥ṣṭavadbhiśca vānarāḥ||1||
samīpaṁ gantumasmābhī rāghavasya mahātmanaḥ|
dr̥ṣṭādēvī na cā:':'nītā iti tatra nivēdanam||2||
ayuktamiva paśyāmi bhavadbhiḥ khyātavikramaiḥ|
na hi naḥ plavanē kaścinnāpi kaścitparākramē||
tulyaḥ sāmaradaityēṣu lōkēṣu harisattamāḥ||3||
jitvā laṁkāṁ sarakṣaughāṁ hatyā taṁ rāvaṇaṁ raṇē
sītāmādāya gachchāmaḥsiddhārthā hr̥ṣṭamānasā ||4||
tēṣvēvaṁ hatavīrēṣu rākṣasēṣu hanūmatā|
kimanyadatrakartavyaṁ gr̥hītvā yāma jānakīṁ||5||
rāmalakṣmaṇayōrmadhyē nyasyāma janakātmajām|
kiṁvyalīkaistu tān sarvān vānarān vānararṣabhān||6||
vayamēva hi gatvā tān hatvā rākṣasapuṁgavān|
rāghavaṁ draṣṭumarhāmaḥ sugrīvaṁ saha lakṣmaṇam||7||
tamēvaṁ kr̥tasaṁkalpaṁ jāmbavān harisattamaḥ|
uvāca paramaprītō vākyamarthavadarthavit||8||
naiṣā buddhirmahābuddhē yadbravīṣu mahākapē|
vicētuṁ vayamājñaptā dakṣiṇāṁ diśamuttamām||9||
nānētuṁ kapirājēna naiva rāmēṇa dhīmatā|
kathaṁcinnirjitāṁ sītāṁ asmābhirnābhirōcayēt||10||
rāghavō nr̥paśārdūlaḥ kulaṁ vyapadiśan svakam|
pratijñāya svayaṁ rājā sītā vijayamagrataḥ||11||
sarvēṣāṁ kapimukhyānāṁ kathaṁ mithyā kariṣyati|
viphalaṁ karma ca kr̥taṁ bhavēt tuṣṭirna tasya ca||
vr̥thā ca darśitaṁ vīryaṁ bhavēdvānarapuṁgavāḥ||12||
tasmādgacchāma vai sarvē yatra rāmaḥ sa lakṣmaṇaḥ|
sugrīvaśca mahātējāḥ kāryasya nivēdanē||13||
na tāvadēṣā mati rakṣamānō yathā bhavānpaśyati rājaputtra|
yathā tu rāmasya matirniviṣṭā tathā bhavānpaśyatu kāryasiddhim||14||
ityārṣē śrīmadrāmāyaṇē ādikāvyē vālmīkīyē
caturviṁśat sahasrikāyāṁ saṁhitāyām
śrīmatsundarakāṁḍē ṣaṣṭitamassargaḥ ||
|| Om tat sat ||